| Dance | Panarit |
| Place of Origin | Llorente , Eastern Samar |
| Date | |
| Researcher | Ramon A. Obusan |
| Contact Person | |
| Other Details | |
| Lyrics |
Nasarit:
Nagpanarit si maria
Didto san belen nga banwa
Kay sin balay nangingita
Nga pahuhunungan nira
Sira josep ka ti-ayon
Nagbuyog, nagpulong-pulong
Kon hain kita nga laong
Pananarit sin pagserong
Joseph and mary:
Dumayon kita sa inhan
Sadton mga kabalayan
Aadto ni aton lunsan
So-ok pa nga kapaturan
Nasarit:
Ay ngani josep, esposa
Ano in paglinakat ta
Di ka na daw ma agwanta
Kay kapin na sin semana
Joseph:
An nabibido-an nakon
Inin sugad kaydudiomon
Maglilinakat masirom
Upay da kon di ka sagpon
Mary:
Orog kay labi nga gayod
Inin gab-i kay matun-og
Lawas ko’y mangurog-kurog
Dara san sakit sa tuhod
Joseph and mary:
Busa esposa lakat na
Kapti, ako’y sagubaya
Inin gab-i halarom na
Harapit na an ka-aga
Esposo dinhi kita nala
Pamahuway sin paghigda
Sa akon paghuna-huna
Matatwo na an bata
San pag-abot nira ngadto
San kamalig eguin tudlo
Dinayon mag-alabado
Sadton matadong nga nino
Mary and joseph:
Tugahan konta sin pulong
An kamahusay san dum-dum
An guino-o nga harangdon
Niyan la nga kagabi-hon
Tagbalay:
Humulat deri sumaka
An nagsasangpit sa puwerta
Kay nagsosos-ot an salas
Inin tawo kay damo na.
An mga nagpapahayag
Han ira buhis magbayad
Amo an nakakasugad
Pagso-ot denhi sa salas
Mary and joseph:
Si kami nagpahayag man
Hin pagsurat pagtigaman
Busa portero kon sadang
PASUDLA KAMI SA HAGDAN
BATON:
DERI KAMI MAPASAKA
KAY ININ TAWO DAMO NA HUMULAT LA KAMO DIDA
AN NAGPASURAT SA LISTA
KAY DI KAMO SAY O-ONHON
SAN BISA ATAMANON
ASAY TA ANAY LIWANON
ININ UNA MAGKADATOG
NASARIT:
MALAKAT KITA SEKRETARYO
OG SI KAMO AN PORTERO
WARAY GUD TOGOHAN NINYO
NAGA SUMAKA BISAN HIN-O
MALOOY KUNTA PORTERO
NGA SUMAKA BISAN HIN-O
MAKUHA KUNTA AN TUYO
SAN MAHAL NGA SEKRETARYO
SA DIYOS KA KUNTA PAGPON-ON
SEKRETERYO NGA OROD-GON
IMO KAMI PASIRONGON
NIYAN LA NGA KAGAB-IHON
BATON:
KANGINA KO PA NGA PULONG
HUMULAT KAMO SA SERONG
KAY SI KAMO MADUGANG PA
PAGSAMOK, PAR-ARINGASA
ININ SUGAD KAY DAMO NA
NGA MGAMAGPAPANGITA
UG SI KAMO MADIGANG PA
PAGSAMOK, PAS-ARINGASA
MARY AND JOSEPH:
O-ONAN-ON TA MARIA
IN PAKASARIT PAGHIGDA
AN PORTERO NASISINA
DI NATUGOT HIN PAGSAKA
AY JOSEP AYAW KABIDO
NGA MADARA AN BO-OT MO
SUSULAYON PANGUMUYO
KUMANHI AN SEKRETARYO
NGAN KON DI NAMAN TUMUGOT
MAG-AGWANTA LA, MAG-ILOB
ASAY TA ALAGDON AN DIOS
HAN IYA KA MAGBURO-OT
BATON:
SI KAMO AN NAGPAHAYAG
BAG-O NIYAN NGA DINMANGAT
DERI KAMO HISUSURAT
KON DIRI KAMO MAGBAYAD
BUMAYAD HAMO HIN HUSTO
HAN IYO BIHIS MAGNINO
KAY BASI TIGAMNAN KAMO
SA PADRON HAN ESCRIBANO
NASARIT:
IYADI IN AMON ANDAM
PINANGANGKAT, PINANGUTANG
NGA MAY LA NAMON IGTUMAN
SININ SUGO UG TALA-AN
BATON:
HIN-O BA AN NGARAN NINYO
ASUYA SA ESCRIBANO
NASARIT:
AN SI JOSEP AKO INI NA
BANA NAKON SI MARIA
BAKAY KAMI AADTO NA
NAHASURAT KAASAWA
MAY NAMON GUINO-O KUNTA
NGA DI NA NIMO IPANGAMAYA
ININ BANA KO KAY SAGPON
MALUYA DI NA GAHOM
PASARITA HIN PAGSERONG
NIYAN LA NGA KAGABIHON
BATON:
AKON PA KAMO LINISAD
INUPOD NGADTO SA NATAD
NGA DI NA KAMO MAGLIWAT
DUMUGANG SIN PAKANGIRAS
DUMAYON KAMO SA UNHAN
SADTON MGA KABALAYAN
NGA DERI KAMI PAGTAGAN
SIN DAKO NGA KALIPUNGAN
MARY:
AY JOSEP AKON ESPOSO
DERI NIMO IKABIDO
AN ININ PANGAMUYO NATON
NGA WARAY GOD NAPASERONG
JOSEPH:
MARIA AKON ESPOSA
HAIN NA DAW LA INI KITA
PANANARIT SIN PAGHIGDA
NGA SADANG PAHUWAYAN TA
BAKAY IRA MAN KAROYAG
NGA SA BANWA KA PAG-ANAK
PAG-ILOB HIN WARAY SUGAD
KAY PAGBO-OT SAN MESIAYAS
POR AMOR DE DIOS TAGBALAY’
MELESENCIA KAMI ANAY
DERI NIYO IKABUDLAY
AN PAGSARIT MADALI-AY
TAG-BALAY KAMI MAKADI
KAMI NA LA PERDONALU
NAKAUGNAY KAMI DENHE
HAN AMON DENHI PAG-AGI
DIYOS MAGBAYAD HA INYO
HADTON IYO PANAGTAW